नेपाली गीतको रिहर्सल गर्न प्रसिद्ध बलिउड गायिका आशा भोस्ले रेडियो नेपालमा
प्रसिद्ध बलिउड गायिका आशा भोस्ले सिंहदरवार स्थित रहेको रेडियो नेपालको संगीत स्टूडियोमा केही नेपाली गीतको रिहर्सल गरेकी छन् ।
शनिबार काठमाडौँमा हुने एक कन्सर्टमा सहभागी हुन गायिका भोस्ले बुधबार नेपाल आउनुभएको हो । गायिका आशा भोस्लेले यो हो मेरो प्राणभन्दा प्यारो माइतीघर, म प्यार बेचिदिन्छु, गैरीखेतको शिरै हान्यो, मोहनी लाग्ला है लगायतका दर्जनौ नेपाली गीत गाएकी छन् ।
उनलाई रेडियो नेपालमा कार्यकारी निर्देशक सुरेशकुमार कार्की र नायव कार्यकारी निर्देशक अशोक बास्कोटासहितका टोलीले रेडियो नेपालमा स्वागत गरेका थिए ।
