पोखरा प्रिमियर लिग: आज दुई खेल हुँदै, क-कस्को प्रतिश्पर्धा हुने
काठमाडौं : पोखरा प्रिमियर लिग टी-ट्वान्टी क्रिकेट (पीपीएल) आज दुई खेल हुँदैछ ।
पोखरा रंगशालामा हुने पहिलो खेलमा विराटनगर टाईटन्स र चितवन राइनोजबीच प्रतिश्पर्धा हुनेछ ।खेल ९:३० मा सुरु भएको हो ।
पारस खड्काको कप्तानीमा रहेको चितवन तीन खेलमा अपराजित रहदै ६ शीर्ष स्थानमा रहेको छ । प्रदिप ऐरीको विराटनगरविरुद्ध जित निकाल्दै चितवन प्ले अफमा स्थान पक्का गर्न चाहन्छ ।
विराटनगर ३ खेलमा २ अंक जोडेर तालिकाको चौंथो स्थानमा रहेको छ । विराटनगर चितवनविरुद्ध जित निकाल्दै प्ले अफको सम्भावना कायम राख्न चाहन्छ ।
त्यस्तै, अपरान्ह हुने खेलमा बुटवल ब्लास्टर्स र एक्स्पर्ट धनगढीबीच प्रतिश्पर्धा हुनेछ । खेल १२:३० मा सुरु हुनेछ ।
तीन खेलमा ४ अंक जोडेको बुटवल तालिकाको तेस्रो स्थानमा रहेको छ । तीन खेलमा २ अंक जोडेको धनगढी तालिकाको पुछारमा रहेको छ ।
