दुहवीले जित्यो धनकुटा गोल्डकप
प्रदेश एक स्थित धनकुटाको हिलेमा आयोजित प्रथम धनकुटा गोल्डकप फुटबल प्रतियोगिताको उपाधि एलेभेन एरोज क्लब दुहवीले जितेको
छ ।
सोमबार भएको फाइनल खेलमा दुहवीले रोयल धरान फुटबल फ्रेन्ड क्लबलाई ‘सडेनडेथ’मा हराउँदै उपाधि जितेको हो ।
निर्धारित् समय र ‘टाइब्रेकर’मा पनि बराबरी सकिएपछि सडेनडेथबाट खेलको निर्णय लिइएको हो ।
धरानका कप्तान सुबोध शाहीको प्रहार असफल भएपछि दुहवीका कप्तान सिर्जित कार्कीले गोल गर्दै टोलीलाई उपाधि जिताएका हुन् ।
उपाधिसँगै दुहवीले एक लाख रुपैयाँ नगद पुरस्कार प्राप्त गरेको छ भने उपविजेता धरानले ५० हजार पाएको छ ।
