किराया प्राकास दुहबीको रक्तदान
एक नम्बर प्रदेश स्थित सुनसरीको दुहबीमा रहेको किरात राई यायोक्खा प्रारम्भिक कार्य समिति दुहबीको
आयोजनामा विहीवार वृहत रक्तदान कार्यक्रम समपन्न भएको छ । दुहवी ५ स्थित कोशी राजमार्ग सडक खण्ड छेवमा रेडक्रस सोसाईटी बिराटनगरको प्राविधिक सहयोगमा भएको रक्तदान कार्यक्रममा १३ महिला र २८ पुरुष गरि ४१ जनाले रक्तदान गरेका
छन । संस्थाले किरात राईहरुको महान चाड उधौली पर्वको अवसर पारेर हरेक साल पुजाआजा र नाचगान सहित निरन्तर रक्तदान कार्यक्रम आयोजना गर्दै आएको संस्थाका अध्यक्ष ज्ञान बहादुर राईले बताए । किराया जिल्ला कार्य समिति सुनसरीका सदस्य यलमहाङ राईको प्रमुख आतिथ्यतामा भएको रक्तदान कार्यक्रमका संयोजक किराया सुनसरीका आजिवन सदस्य भिमशंकर राई रहेका थिए ।
