नगर स्तरीय फुटवल प्रतियोगितामा त्रियुगा नगरपालीका विजयी
शिव भट्टराई,प्रदेश एक स्थितमा रहेको एरिना टेलिभिजनको ८ औ वार्षिक उत्सवको अवसरमा आयोजित नगर स्तरीय फुटवल प्रतियोगिताको दोस्रो खेलमा पथरी नगरपालीकालाई २ को विरुद्ध ४ गोल गर्दै त्रियुगा नगरपालीका विजयी भएको छ । इटहरीमा पहिलो पल्ट भएको रात्रिकालीन नगर स्तरीय फुटवल प्रतियोगीताको दोस्रो खेल अन्तर्रगत त्रियुगा नगरपालीका र पथ्री नगरपालीका विचमा कडा प्रतिस्पर्धा भएको थियो । खेल सुरु भएको २९ मिनेटमा त्रियुगाका जर्सी नम्वर १० का खेलाडी समिरराज राउतले गोल गोर्दै खेललाई अगाडी वढाएका थिए । खेलमा त्रियुगाका खेलाडी समिरराजले लगातार ३ गोल गरेका थिए भने त्रियुगाकै जर्सी नम्वर ४ का खेलाडी रुपक फुयालले १ गोल गरेका थिए । खेलको दोस्रो हाफको २५ मिनेट पछि पथ्रीका जर्सी नम्वर ६ का खेलाडी धिरेन लिम्वुले १ गोल गरेका थिए भने ३५ मिनेट पछि पथ्रीकै जर्सी नम्वर १२ का खेलाडी मिलन राईले १ गोल गरेका थिए । खेलमा उत्कृष्ट पर्दसन गर्ने खेलाडी त्रियुगाका समिरराज राउतलाई ट्रफि र नगद १ हजार सहित म्यान अफ द म्याच घोसणा गरीयो ।
