१३औं दक्षिण एसियाली खेलकुद प्रतियोगितामा नेपाल पुरुष बास्केटबलको सेमिफाइनलमा प्रवेश
१३औं दक्षिण एसियाली खेलकुद प्रतियोगिता (साग) अन्तर्गत पुरुष बास्केटबल प्रतियोगिताको नेपाल सेमिफाइनलमा पुगेको छ । समूह ए को खेलमा माल्दिभ्सलाई ७६—६२ ले पराजित गर्दै नेपालले सेमिफाइनलमा स्थान बनाएको हो ।
नेपालको लागि असिम श्रेष्ठले सर्वाधिक १८ स्कोर गरेका हुन ।नेपालले अब सेमिफाइनलमा सोमबार भारतसंग खेल्नेछ ।खेल त्रिपुरेश्वरस्थित राष्ट्रिय खेलकुद परिषदको कभर्डहलमा आज भएको हो ।
यसअघि पहिलो खेलमा नेपाल बंगलादेशसांग ६७—६१ ले पराजित भएको थियो । समूह ए बाट बंगलादेश समूह विजेता र नेपाल समूह उपविजेता बन्दै सेमिफाइनल पुगेका हुन् ।
