गढीमाई मेलाबाट फर्किंदै गरेको पिकअप भ्यान महोत्तरीमा दुर्घटना : २ को मृत्यु, १४ घाइते
बर्दिबास : गढीमाई मेलाबाट श्रद्धालु लिएर फर्किदै गरेको पिकप दुर्घटना हुँदा महोत्तरीको बर्दिबासमा दुईजनाको ज्यान गएको छ ।
दुर्घटनामा १४ जना घाइते भएका छन् । चारजनाको अवस्था गम्भीर छ। । पूर्व(पश्चिम राजमार्ग्स्थित बर्दिबास(५ को जंगल क्षेत्रमा बुधबार बिहान पाँच बजेतिर दुर्घटना भएको हो।
घाइते दुवैजनाको शुभ स्वस्तिक हस्पिटल बर्दिबासमा उपचारका क्रममा ज्यान गएको प्रहरीले जनाएको छ । धनुषाको धनुषाधाम नगरपालिका-३ का ८० वर्षीय सुन्ताला देवी साह र भारतको बिहार जयनगर चितैयाकी ६५ वर्षीया बरतीया देवी महतोको ज्यान गएको इलाका प्रहरी कार्यालय बर्दिबासका डीएसपी निशान थापाले जानकारी दिए ।
विपरित दिशाबाट आइरहेको ट्रकलाई साइड दिने क्रममा ना ५ च १२२७ पिकप दुर्घटनामा भएको हो । ’ट्रकलाई पिकले साइड दियो, तर ट्रकले हेडलाइट ड्रिम गरेन, ’दुर्घटनका घाइते विनिता सिंहले भनिन्, ’बत्तीको लाइटले पिकप चालकले बाटो देख्न सकेन, त्यसपछि गाडी सडक छेउमा गएर पल्टियो ।’
