सवारी दुर्घटनामा ३ को मृत्यु, ७ घाइते
रूपन्देही, भक्तपुर र मकवानपुरमा भएका सवारी दुर्घटनामा तीन जनाको मृत्यु भएको छ । ७ जना घाइते भएका छन् ।पूर्वपपश्चिम राजमार्गअन्तर्गत रूपन्देहीको बुटवल उपमहानगरपालिका–१२ नयाँगाउँमा सडकमै रोकिराखेको भे १ ब १४४८ नम्बरको ट्रिपरमा ना ४३ प ३३४६ नम्बरको मोटरसाइकल ठोक्किँदा दुई जनाको मृत्यु भएको छ ।
मोटरसाइकलमा सवार सैनामैना–६ बस्ने २९ वषीय नवीन कँडेल र सोही ठाउँ बस्ने वर्ष ३१ का दीपक पन्थको मृत्यु भएको हो ।
यसैगरी, भक्तपुर नगरपालिका १ सृजनानगरमा ट्रिपरले ठक्कर दिँदा उदयपुरको चौदण्डीगढी नगरपालिका घर भएका २७ वर्षीय समीर वि।क।को मृत्यु भएको हो ।
विकलाई ठक्कर दिएर भागेको ट्रिपर र त्यसका चालक सिद्धिमान तामाङलाई प्रहरीले आज बिहान महानगरीय प्रहरी वृत्त जगातीले नियन्त्रणमा लिएको छ ।
