अवैध ८ किलो सुनसहित अन्तर्राष्ट्रिय विमानस्थलबाट दुई चिनियाँ पक्राउ
अवैध ८ किलो सुनसहित त्रिभूवन अन्तर्राष्ट्रिय विमानस्थलबाट दुई चिनियाँ नागरिक पक्राउ परेका छन्। हङकङबाट आएको नेपाल एयरलाइन्सको विमानबाट आएका चिनियाँ नागरिकहरुलाई विमानस्थल भन्सारका अधिकारीले बिहीबार राति साढे १० बजे पक्राउ गरेका हुन् ।
भन्सार जाँचको क्रममा उनीहरुको साथबाट ८ किलो अवैध सुन बरामद भएको हो । नेपाल एयरलाइन्सको आरए ४१० फ्लाइट मार्फत काठमाडौँ आएका चेनहोङ्ग याङ र चेनइङ चुहाङ पक्राउ परेका हुन् ।
उनीहरुलाई सुनसहित विमानस्थल प्रहरीको नियन्त्रणमा राखिएको छ । घटनाबारे थप अनुसन्धान भइरहेको प्रहरीले जनाएको छ।
