श्रीलंकाका नवनिर्वा्चित राष्ट्रपति राजापाक्षले गरे प्रधानमन्त्री ओलीसँग भेटको अपेक्षा
श्रीलंकाका नवनिर्वा्चित राष्ट्रपति गोतावया राजापाक्षले निकट भविष्यमै प्रधानमन्त्री केपी ओलीसँग भेट हुने अपेक्षा गरेका छन् ।
उनले गौतम बुद्धको जन्मस्थल लुम्बिनी श्रीलंकालीहरूको मन मस्तिकमा रहेको पनि बताएका छन् ।
प्रधानमन्त्री ओलीले ट्वीटरमार्फत उनलाई दिएको बधाइ सन्देशमा तत्काल प्रतिक्रिया दिँदै राष्ट्रपति राजापाक्षले दक्षिण एसियाली क्षेत्रीय सहयोग संगठन सार्कको अस्तित्व पुनः गतिशील बनाउने कुरामा समेत जोड दिएका छन् ।
राजापाक्षले भनेका छन्, ‘भगवान् गौतम बुद्धको जन्मस्थल भएका कारण नेपाल श्रीलंकालीहरूको मन-मुटुमा विशेष स्थान राख्छ । सार्क क्षेत्रभित्र शान्तिपूर्ण सहअस्तित्वको वृद्धि र आर्थिक समृद्धिका लागि मैले प्रयास गर्नेछु र छिट्टै नै तपाईंलाई भेट्ने अवसरको प्रतीक्षामा रहनेछु ।’
सोमबार प्रधानमन्त्री ओलीले राजापाक्षेलाई बधाई दिँदै दुई देशको ऐतिहासिक बहुपक्षीय सम्बन्धलाई अझ मजबुद् बनाउन राजापाक्षेसँग मिलेर काम गर्न आतुर रहेको बताएका थिए ।
