डीएसपी शाहीमाथि छानबिन गर्न प्रदेश ५ प्रहरी कार्यालयद्वारा दुई समिति गठन
काठमाडौं : विवादमा तानिएका इलाका प्रहरी कार्यालय, कोहलपुरका इञ्चार्ज प्रहरी नायव उपरीक्षक (डीएसपी)हेमबहादुर शाहीमाथि छानबिन दुई समिति गठन गरिएको छ ।
खसी मागेको अडियो सार्वजनिक भएपछि विवादमा तानिएका डीएसपी शाही माथि प्रदेश ५ प्रहरी कार्यालय र प्रहरी हेडक्वाटरले छानबिन गर्न दुई समिति गठन गरेका हुन् ।
प्रदेश ५ प्रहरी कार्यालयले प्रहरी बरिष्ट उपरीक्षक एसएसपी नरबहादुर केसीको संयोजकत्वमा पाँच सदस्यीय छानबिन समिति गठन गरेको हो । प्रहरी हेडक्वाटरले पनि एसएसपी उमेश जोशीको नेतृतवमा अर्को समिति गठन गर्ने तयारी गरेको छ । स्रोतका अनुसार समितिमा एकजना एसपी र एक जना डीएसपी पनि रहनेछन् ।
डीएसपी शाहीले तरुण दल बाँकेका कोषाध्यक्ष केशर खड्कासँग खसी मागेको अडियो सार्वजनिक भएपछि विवादमा तानिएका थिए ।
