छठको अवसरमा आईतबार पनि सार्वजनिक बिदा
छठ पर्वको अवसरमा आईतबार सार्वजनिक बिदा दिने सरकारले निर्णय गरेको छ । शुक्रबार प्रदेश २ सरकारले तराई क्षेत्रमा विशेष महत्व राख्ने छठ पर्वको अवसरमा कात्तिक १७ गते (आइतबार ) सार्वजनिक विदा दिने निर्णय गरेको हो ।
संघीय सरकारले दिने बिदा शनिबार परेको छ । यद्यपि छठ दुई दिन मनाइने पर्व हो । अघिल्लो दिन अस्ताउँदो सूर्यलाई अर्घ दिई पूजा गरेपछि भोलिपल्ट उदाउँदो सूर्यलाई पूजा गरेपछि मात्रै छठ पर्व सकिन्छ ।
आइतबार बिदा दिने निर्णयसँगै छठ पर्वको अवसरमा प्रदेश २ मातहतका जिल्लाका जनताले आनन्दसाथ उक्त पर्व मनाउन पाउने विश्वास प्रदेश २ सरकारले लिएको जनाएको छ ।
