१३ वर्षीया बालिका बलात्कृत, बलात्कार गर्ने युवक प्रहरी नियन्त्रणमा
काठमाडौँ : धरानमा १३ वर्षीया बालिका बलात्कृत भएकी छिन् । बलात्कार गर्ने ३५ वर्षीय युवक गिरेन्द्र राईलाई धरान-१६ बाट प्रहरीले भोलिपल्ट नियन्त्रणमा लिइएको इलाका प्रहरी कार्यालय धरानका डीएसपी ढुण्डीराज न्यौपानेले जानकारी दिएका छन् ।
कात्तिक १२ गते भाइटीकाको दिनधरान-१६ डेरा गरी बस्दै आएका राईले १३ वर्षीया बालिका आर (परिवर्तित नाम) लाई आफ्नो डेरा कोठामा बोलाई बलात्कार गरेकोे जनाइएको छ । बिहान १०ः३० बजेको समयमा एक दलित बालिकालाई धनकुटा छिन्ताङ-४ घर भएका राईले आफू बस्ने कोठामा लगी बलात्कार गरेका हुन् ।
डीएसपी न्यौपानेका अनुसार पीडित बालिकाको आफन्तले प्रहरी कार्यालयमा जाहेरी दर्ता गरिसकेका छन् । राईले आफू सुत्ने कोठामा लगेर बालिकालाई बलात्कार गरेको प्रहरीलाई बयान दिइसकेका छन् ।
राई र पीडित बालिकाको परिवार एउटै फ्ल्याटमा भाडामा बस्दै आएका थिए । राईको श्रीमती, एक छोरी र एकजना छोरा छन् । आरोपी राईमाथि थप अनुसन्धान भइरहेको प्रहरीले जनाएको छ ।
