तीर्थयात्री बोकेको बस लोडरसँग ठोक्किँदा ३५ को मृत्यु, ४ जना गम्भीर घाइते
साउदी अरेयिबाको अल-अखल क्षेत्रमा तीर्थयात्री बोकेको बस लोडरसँग ठोक्किँदा दुर्घटना भएको छ । उक्त घटनामा ३५ जनाको ज्यान गएको छ ।
प्रहरीका अनुसार बुधबार साँझ करिब ७ बजे अल-अखल क्षेत्रमा बस दुर्घटना भएको थियो । बसमा ३९ जना रहेकोमा ३५ जनाको ज्यान गएको हो । अन्य ४ जना गम्भीर घाइते भएको मदिना प्रहरीले जनाएको छ ।
ज्यान गुमाउनेहरुमा धेरैजसो एसियाली र अरब मूलका नागरिक रहेका छन् । घाइतेहरुको अल हमना अस्पतालमा उपचार भइरहेको प्रहरीले जनाएका छन् ।
