२ घण्टाको चेकजाँचपछि जानकी मन्दिरमा केहि फेला परेन, पुनः प्रवेश खोलियो
दुई घण्टाको चेकजाँचपछि जानकी मन्दिर पुनः प्रवेश खोलिएको छ । मन्दिर भित्र शंकास्पद बस्तु अथवा बम राखेको आशंकामा प्रहरीले शुक्रबार दिउँसो सबा १२ बजे एकाएक जानकी मन्दिरबाट श्रद्धालुभक्तजन, साधुशन्त र स्थानी फुटपाथ व्यवसायीलाई निकालेको थियो ।
साढे १२ बजेदेखि साढे २ बजेसम्म निरन्तर प्रहरीले २ घण्टा मन्दिर भित्र चेकजाँच गरेको छ । सर्वसाधारण एवं भक्तजनलाई प्रवेश निषेध गरेर प्रशिक्षित २ वटा कुकुर लगाएर समेत चेकजाँच गरिएको हो ।
मन्दिर भित्र शंकास्पद बस्तु राखिएको सूचनाको आधारमा प्रक्षित कुकुर समेत लगाएर चेकजाँच गरिएको र त्यस क्रममा केहि फेला नपरेको धनुषाका प्रहरी उपरीक्षक शेखर खनालले बताउनुभयो ।
केहि फेला नपरेपछि सर्वसाधारणलाई साढे २ बजेदेखि मन्दिर भित्र प्रवेश गर्न दिइएको छ ।
