गायक टेक बहादुर अधिकारीको ‘फर्क साईला’ बोलको गीत सार्वजनिक (भिडियोसहित)
गायक टेक बहादुर अधिकारीकाे नयाँ दशैँ गीत सार्वजनिक भएको छ ।
एक्शन फिल्मस् प्रालिद्वारा निर्माण गरिएको दशैँ गीत ‘फर्क साईला’को म्युजिक भिडियो आईतबार सार्वजनिक गरेका हुन् ।
उक्त गीतमा गायक अधिकारीलाई निकै नै लोकप्रिय गायिका गीता देवीले साथ दिएकी छिन् ।
यस गीतमा चाडपर्वमा आफ्नो गाउँ घर र परिवार सम्झेर परदेशमा आफ्नो जीवन बिताउने परदेशीहरुको पिडालाई दर्साइएको छ ।
गीतमा शब्द गायक अधिकारीकै रहेको छ, भने लय विष्णु तामाङको रहेको छ । एरेन्ज पनि विष्णु तामाङले नै गरेका छन् ।
भिडियो निर्देशन युवराज खत्रीले गरेका छन् भने छायांकन र सम्पादन पनि खत्रीकै रहेको छ । म्युजिक भिडियोमा नवराज राउत र समिता तामाङको अभिनय रहेको छ ।
