राष्ट्रपतिको चुनावी र्यालीमा आत्मघाती हमला : २४ को मृत्यु, ३१ घाइते
अफगानिस्तानको राजधानी काबुलको उत्तरमा परवान प्रदेशमा एक चुनावी र्यालीमा बम विष्फोट भएको छ । उक्त विष्फोटमा कम्तिमा २४ जनाको मृत्यु हुनुका साथै ३१ जना घाइते भएका छन् ।
चुनावी र्यालीमा राष्ट्रपति अशरफ घनीले सम्बोधन गर्ने कार्यक्रम थियो । उक्त विस्फोटको समयमा घनी र्यालीमा पुगिसकेको भएपनि उनी सरक्षित रहेको अन्तर्राष्ट्रिय सञ्चारमाध्यमले जनाएका छन् । उक्त विष्फोट आत्मघाती हमला भएको हुन सक्ने अनुमान गरिएको छ ।
यसका साथै काबुलमै भएको अर्को एक बम विष्फोटमा कम्तिमा ३ जनाको मृत्यु भएको छ । दुबै विष्फोटको हालसम्म कसैले पनि जिम्मेवारी लिएको छैन ।
तालिबानले आगामी २८ सेप्टेम्बरमा हुने राष्ट्रपति चुनाव बिथोल्ने घोषणा गरेको छ । यस चुनावमा वर्तमान राष्ट्रपति अशरफ घनीले लगातार दोस्रो कार्यकालको लागि उम्मेदवारी दिएका छन् ।
