रसुवागढी नाका जोड्ने दुवै सडक अवरुद्ध, दसैँका सामग्री भन्सारमै रोकिए
रसुवा : भदौ २५ गतेदेखि बन्द भएको रसुवागढी नाका जोड्ने दुवै सडक अझै खुल्न सकेको छैन । सडक अवरुद्ध भएपछि ४ सय भन्दा बढी सामान बोकेको कन्टेनर रसुवागढी भन्सारमा नै रोकिएका छन् ।
अवरुद्ध भएका दुवै सडक खोल्नका लागि शनिबारदेखि काम थालिएको भए पनि धेरै स्थानमा पहिरो गएको र २४ वटा ह्युम पाइप राख्नपर्ने भएपछि सडक खुल्न सकेको छैन ।
यता सडक अवरुद्ध भएपछि दसैँका लागि आयात गरिएको रेडिमेड सामग्री र स्याउ व्यापारीले डाइभर्ट गरेर तातोपानीबाट लैजाने तयारी गरेका छन् ।
दैनिक ३०-४० वटा कन्टेरको जाँचपास भइरहेको प्रमुख भन्सार अधिकृत पुण्यविक्रम खड्काले जानकारी दिए ।
