कपिलवस्तुमा ट्याक्टर दुर्घटनामा २ को मृत्यु, ५ जना घाइते
कपिलवस्तु जिल्लाको वाणगंगा नगरपालिकाको कोपवामा गएराति ट्याक्टर दुर्घटना भएको छ । उक्त दुर्घटनामा २ जनाको मृत्यु भएको छ ।
लु३त ७२७२ नम्बरको ट्याक्टर कपिलवस्तु जितपुरबाट कोपवातर्फ जाँदै गर्दा कोपवा सडकखण्डमा अनियन्त्रित भई पल्टिएको प्रहरीले जनाएको छ । दुर्घटनामा ट्याक्टर चालक वाणगंगा नगरपालिका-१ उप्टहवाका ३५ वर्षीय रामु थारु र १५ वर्षीय रन्जित बोटे माझीको मृत्यु भएको प्रहरीले जनाएको छ ।
ट्याक्टरमा सवार अन्य ५ जनामध्ये गम्भीर घाइते भएका वाणगंगा-१ का १७ वर्षीय जय ज्ञवाली र सोही ठाउँका १५ वर्षीय मनिस परिवारलाई थप उपचारका लागि बुटवल ल्याइएको छ । अन्य सामान्य घाइते ३ जनाको स्थानीय अस्पतालमा उपचार भइरहेको प्रहरीले जनाएको छ ।
