आज शुक्रबार सुनचाँदीको मूल्यमा गिरावट
काठमाडौं : साताको छैँठौ दिन शुक्रबार आज सुनको मूल्यमा गिरावट आएके छ । पछिल्लो डेढ महीनादेखि निकै उतार चढावका बीच कारोवार हुँदै आएको सुनको मूल्यमा शुक्रबार गिरावट देखिएको हो ।
शुक्रबार छापावाल सुन प्रतितोला रु १ हजारले घटेको नेपाल सुन चाँदी व्यवसायी महासङ्घले जनाएको छ । बिहीबार प्रतितोला ७३ हजार ४०० मा कारोबार भएको छापावाला सुनको मूल्य आज रु ७२ हजार ४०० मा कायम भएको छ ।
त्यसैगरी तेजाबी सुनको मूल्य पनि प्रतितोला रु १ हजारले घटेको छ । प्रतितोला रु ७३ हजार १०० रहेको तेजाबी सुनको मूल्य रु ७२ हजार १००मा कायम भएको छ ।
यस्तै चाँदीको मूल्यमा पनि सामान्य गिरावट देखिएको छ । स्थानीय बजारमा आज चाँदी प्रतितोला रु १० ले घटी रु ८८५ निर्धारण भएको छ । बिहीबार चाँदी प्रतितोला रु ८९५ मा खरिदबिक्री भएको थियो ।
