तटरक्षक जहाजमा विस्फोटनपछि आगलागी, चालक दलका २९ सदस्यहरु समुद्रमै हाम फाले
भारतको आन्द्र प्रदेशस्थित विशाखापट्नममा तटरक्षक जहाज जगुआरमा सोमबार विस्फोटपछि आगलागी भएको छ । भारतीय तटरक्षक बलका अनुसार सोमबार बिहान करिब साढे ११ बजे जहाजमा विस्फोट भएको र त्यसपछि आगो लागेर धुवाँको मुस्लो निस्किएको हो ।
उक्त जहाजमा आगलागी भएपछि २९ जना चालक दलका सदस्यहरुले ज्यान जोगाउन समुद्रमा हाम फालेका हुन् । जहाजमा हाम फालेका २९ जना चालक दलका सदस्यहरु मध्ये २८ जनाको उद्दार गरिएको छ । तर बाँकी एक जना भने बेपत्ता रहेको भारतीय सञ्चारले जनाएका छन् ।
बेपत्ताको खोजी कार्य जारी रहेको छ । जहाजमा आगो लाग्नुको कारण थाहा हुन सकेको छैन ।
