सुनसरीको देवानगञ्जमा धरिलो हतियार (दविया) प्रहार गरी मेहताले गरे यादवको हत्या (हेर्नुस् तस्विरहरु)
प्रदेश नम्बर १ स्थित सुनसरीको देवानगञ्ज गाउँपालिका-२ बजार क्षेत्रमा रहेको रामजानकी मन्दिर नजिक सोमबार बिहान घाँटी रेटी एक भारतीय नागरिकको हत्या भएको छ ।
भारत अररीया जिल्ला मानिकपुर घर भएका करिब ४० वर्षीय बिलु यादवको घाँटी रेटी हत्या गरिएको सुनसरीका प्रहरी नायब उपरीक्षक ज्ञानेन्द्रप्रसाद फुयालले जानकारी दिए ।
यादवको देवानगञ्ज गाउँपालिका–२ का महानन्द मेहताले धरिलो हतियार (दविया) प्रहार गरेर हत्या गरेको सुनसरीका प्रहरी नायब उपरीक्षक फुयालले बताए ।
हत्या गर्ने मेहता जिल्ला प्रहरी कार्यालय सुनसरीको नियन्त्रणमा रहेका छन् ।
घटनाको विषयमा अनुसन्धान भइरहेको जिल्ला प्रहरी कार्यालय सुनसरीले जनाएको छ ।
घटना भने सोमवार बिहान ५ः३० को हो भने महानन्दले किन यादवको हत्या गरे त्यो भने खुलेको छैन ।
अभियुक्त महानन्द मन्दिरकै अगाडी रहेको पान पसले बच्चा नामा ब्यक्तीका दाई हुन् । यादव भने मन्दिरमा सुतिरहेका बेला उक्त घटना भएको हो ।
