मेक्सिकोमा यात्रुबाहक बस दुर्घटना : बालबालिकासहित १५ जनाको मृत्यु
मेक्सिको सिटी : मेक्सिकोको पश्चिमी नायारिट राज्यमा शुक्रबार यात्रुबाहक बस दुर्घटना भएको छ । राज्यको राजधानी शहर टेपिक र पुर्टो भालार्टा जोड्ने राजमार्गमा भएको दुर्घटनामा परी कम्तीमा १५ जनाले ज्यान गुमाएका छन् भने २१ जना घाइते भएका छन् ।
दुर्घटनामा मृत्यु हुनेमा र घाइते हुनेमा पनि अधिकांश बालबालिका रहेको नायारिट सरकारका प्रवक्ताले बताएका छन् । दुर्घटना स्थानीय समय अनुसार बिहान ७ बजे भएको थियो । आगुवाकालिन्टेस राज्यबाट पर्यटक लिएर आइरहेको यात्रुबाहक बस कम्पोस्टेला शहरको नजिक पहाडी भेगमा दुर्घटनाग्रस्त भएको थियो ।
