बलिउडका बाल कलाकारले सडक दुर्घटनामा गुमाए ज्यान
भारतीय टिभी सिरियलका चर्चित बाल कलाकार शिवलेख सिंह उर्फ अनु सिंहको सडक दुर्घटनामा मृत्यु भएको छ । बिहिबार दिउँसो ३ बजे राजधानी नजिकै धरसिवा गाउँमा उक्त दुर्घटना भएको हो ।
१४ वर्षीया बालक शिवलेख आफ्नो परिवारसँग कारमा यात्रा गरिरहेको र सो कार ट्रकसँग ठोक्किएको भारतीय मिडियाले जनाएका छन् । शिवलेखका बुवा शवेन्द्र सिंह र आमा लेखना सिंह गम्भीर अवस्थामा अस्पतालमा भर्ना छन् । दुर्घटनापछि ड्राइभर ट्रक छोडेर भाग्न सफल भएका छन् ।
उनी रेमो डिसुजाको फिल्ममा पनि काम गरिरहेका थिए । यसको ९० प्रतिशत सुटिङ भइसकेको छ ।
शिवलेखले टिभी सिरियल ससुराल सिमरकासहित विभिन्न टेलिश्रृङ्खलामा महत्वपूर्ण भूमिका निभाएर आफ्नो पहिचान बनाएका थिए । उनले जी टिभीको इन्डियाज बेस्ट ड्रामेबाज, सोनी टिभी संकटमोचन हनुमान, कलर्स टिभीको ससुराल सिमरका, सब टिभीका खेलाडी, बालवीर, श्रीमान जी श्रीमती जी, बिग म्याजिकको अकबर-बिरबलमा अभिनय गरिसकेका छन् ।
