खोलाले बगाएर बेपत्ता आमाछोरीको शव भेटियो
हेटौंडा : आइतबार राति खोलाले घर बगाउँदा बेपत्ता भएका आमा र छोरीको शव फेला परेको छ ।
मकवानपुरको इन्द्रसरोवर गाउँपालिका-१ तौमासमा खहरे खोलाले घर बगाउँदा बेपत्ता ४० वर्षीया कान्छीमाया बलामी र उनकी १७ वर्षीया छोरी बबिताको शव फेला परेको छ ।
सोमबार बिहान उनीहरुको शव घटनास्थलबाट ५० मिटर तल पुरिएको अवस्थामा भेटिएको हो ।
राति घरमै सुतिरहेका उनीहरुलाई वर्षासँगै आएको खहरेले बगाएको थियो । घरमै सुतेका मध्ये एकजना भाग्न सफल भएकाथिए ।
