यात्रुबाहक गाडी दुर्घटना : १७ यात्रु घाइते, २ को अवस्था गम्भीर
काठमाडौँको सिनामंगलमा यात्रुबाहक गाडी एकआपसमा ठोक्किएको छ । उक्त सवारी दुर्घटनामा १७ यात्रु घाइते भएका छन् ।
मंगलबार बिहान गौशालाबाट कोटेश्वर जाँदै गरेको बा५ख ५१०० नंको माइक्रोबस र विपरित दिशाबाट आउँदै गरेकोे बा१ज ९७६६ नंको कोटेश्वरबाट गौशाला जाँदै गरेको बस एकापसमा ठोक्किँदा १७ यात्रु घाइते भएका हुन् ।
घाइतेमध्ये २ जनको अवस्थाा गम्भीर रहेको महानगरीय ट्राफिक प्रहरी महाशाखाका प्रवक्ता प्रहरी उपरीक्षक रविराज पौडेलले जानकारी दिए ।
घाइतेको सिनामंगलस्थित काठमाडौँ मेडिकल कलेजमा उपचार भइरहेको छ । घाइते हुनेमा १३ पुरुष र ४ महिला छन् । दुवै सवारीसाधनलाई नियन्त्रणमा लिएर अनुसन्धान गरिरहेको महाशाखाले जनाएको छ ।
