सपथग्रहणपछि भूटानी समकक्षीलाई मोदीको पहिलो निमन्त्रणा, विदेशमन्त्री जयशंकर भुटान भ्रमणमा
भारतका विदेशमन्त्री एस जयशंकरले भूटानका प्रधानमन्त्री लोटाय छिरिङलाई भारत भ्रमणका लागि निमन्त्रणा गरेका छन् । उनले प्रधानमन्त्री नरेन्द्र मोदीको तर्फबाट भूटानी समकक्षीलाई निमन्त्रणा पत्र दिएको पनि ट्वीटरमार्फत जानकारी दिएका छन् ।
विदेशमन्त्री भएपछिको पहिलो विदेश भ्रमणका क्रममा भूटान पुगेका जयशंकरले शुक्रबार प्रधानमन्त्रीलाई निमन्त्रणा गरेका हुन् । भेटपछि ट्वीट गर्दै उनले दुई पक्षीय हित र साझेदारीका विषयमा भेटवार्ता उपलब्धिमूलक नै भएको उल्लेख गरेका छन् ।
दुईदिने भ्रमणको शिलशिलामा भारतीय विदेशमन्त्री जयशंकरले भूटानका राजा जिग्मे खेसर नाम्ग्येल वाङ्चुकलगायत अन्य विशिष्ट व्यक्तिहरुलाई पनि भेटेका थिए ।
भूटान विमस्टेक राष्ट्रहरूको सदस्य भएकाले गत मे ३० मा भएको प्रधानमन्त्री मोदीको सपथग्रहण समारोहमा भुटानी प्रधानमन्त्री पनि सहभागी भएका थिए ।
उनीहरुका बीचमा पनि आपसी हित, साझा चासो र संयुक्त क्रियाकलापहरुका बारेमा छलफल भएको अधिकारीहरुले जनाएका छन् ।
गत मे ३१ तारिखका दिन भारतको विदेश मन्त्रालयको जिम्मेवारी पाएका जयशंकरले भूटान भ्रमणका क्रममा उनका समकक्षी डा तान्डी दोर्जीसँग पनि भेटवार्ता गरेका छन् ।
It was a privilege to also meet Her Majesty the ever gracious Gyaltsuen, and especially delightful to interact with the Druk Gyalsey! 2/2 pic.twitter.com/iXSN3dmla6
— Dr. S. Jaishankar (@DrSJaishankar) June 7, 2019
It was a pleasure to call on @PMBhutan Dr. Lotay Tshering.
Conveyed PM @narendramodi’s greetings and had a cordial conversation on important elements of the bilateral partnership. pic.twitter.com/ZdnUKw7ptR— Dr. S. Jaishankar (@DrSJaishankar) June 7, 2019
