पिछड़ा वर्गलाई जनसंख्याको आधारमा समानुपातिक सहभागिता गर्न लोक दलले माग
पिछड़ा वर्गलाई जनसंख्याको आधारमा समानुपातिक सहभागिता गर्न लोक दलले माग गरेको छ । समावेशी आयोगका अध्यक्ष शान्तबहादुर सुवेदीलाई आरक्षणबारे माग पत्र बुझाउदै लोक दलले उक्त माग गरेको हो ।
एक समुह सहित आइतबार आयोग पुगेका लोक दलको तर्फबाट अध्यक्ष कौशल कुमार सिंहको समावेशी आयोगका अध्यक्ष सुवेदीलाई मागपत्र बुझाउँदै आरक्षणबारे आयोगले सक्रियता देखाउनुपर्ने धारणा राखेका थिए ।
आयोगका अध्यक्ष सुवेदीले लोक दलले पिछड़ा वर्गको अधिकारबारे देखाएको चासोलाई सकारात्मक रुपमा लिदै आफूले संविधानभित्र रहेर पिछड़ा वर्गको अधिकारको लागि पहल गर्ने भविष्यमा लोक दलसंग सहकार्य गर्दै अगाडी बढ़ने बताए ।
भेंटमा लोक दलका अध्यक्षका साथै महासचिव सी एन खड्गा, कोषाध्यक्ष इन्दिरा शाह, केन्द्रीय सदस्यहरु योगेन्द्र पासवान, राम सिकिल चौधरी, अधिकलाल यादव, उपेन्द्र यादवको सहभागिता थियो ।
