आज सोमबार सुनको भाउमा वृद्धि, तोलामा ६० हजार पुग्यो
काठमाडौं : नेपाली बजारमा सोमबार सुनको भाउ बढेको छ । सोमबार छापावाल सुनको भाउ तोलमा रु २ सय बढेर ६० हजारमा कारोबार भइरहेको नेपाल सुनचाँदी व्यवसायी महासंघले जनाएको छ ।
यसअघि आइतबार सुन तोलमा ५९ हजार ८०० मा कारोबार भएको थियो । यस्तै तेजावी सुन तोलामा ५९ हजार ७०० मा कारोबार भइरहेको छ । आज चाँदी तोलामा रु ७३० मा कारोबार भइरहेको पनि महासंघले जनाएको छ ।
