मनकामना केबलकार २ दिन बन्द हुने
चितवन : मनकामना केबलकार २ दिन बन्द हुने भएको छ। नियमित मर्मतका लागि फागुन ३० र चैत १ मा सेवा बन्द हुने मनकामना दर्शन प्रालिले जनाएको छ।
कम्पनीले मर्मत सकिएपछि चैत २ देखि सेवा नियमित सञ्चालन हुने हुने जनाइएको छ। प्रत्येक ४-४ महिनामा केवलकार मर्मत हुने गरेको कम्पनीले जनाएको छ। चितवन र गोरखा जिल्लालाई जोड्ने मनकामना केबलकार २०५५ मा स्थापना भएको हो। मनकामना केवलकार नेपालकै पहिलो केबलकार हो।
