सुनुवाइ समितिद्वारा चार संवैधानिक आयोगका प्रस्तावित अध्यक्षको नाम अनुमोदन
काठमाडौँ : संसदीय सुनुवाइ विशेष समितिले चार संवैधानिक आयोगका प्रस्तावित अध्यक्षको नाम अनुमोदन गरेको छ । मङ्गलबार बसेको समितिको बैठकले वित्त आयोग, समावेशी आयोग, मधेसी आयोग र थारू आयोगका अध्यक्षको नाम अनुमोदन गरेको हो ।
वित्त आयोगमा बालानन्द पौडेल, समावेशी आयोगमा सान्तराज सुवेदी, मधेसी आयोगमा डा। विजयीकुमार दत्त र थारू आयोगमा विष्णुप्रसाद चौधरीको नाम अनुमोदन गरेको हो । समितिको अनुमोदनपछि उनीहरुलाई राष्ट्रपतिले नियुक्ति गर्ने व्यवस्था छ ।
