कमल थापालाई प्रधानमन्त्रीको जवाफ : ‘जनजीविका पूरा गरौँला, तर राजनीतिक माग सम्भव छैन’
काठमाडौँ : बिभिन्न २२ बुँदे माग सहित ज्ञापनपत्र लिएर सोमबार प्रधानमन्त्रीको सरकारी निवास बालुवाटार पुगेका राप्रपाका अध्यक्ष कमल थापालाई प्रधानमन्त्री केपि शर्मा ओलीले तत्कालै जवाफ फर्काएकाछन् ।
प्रधानमन्त्री ओलीले राप्रपाका जनतासँग जोडिएका अर्थात जनजिविका माग पुरा गर्ने प्रतिवद्धता जनाएपनि राजनीतिक माग पुरा गर्ने खालका नभएको भन्ने प्रतिक्रिया दिएको पार्टीका सहप्रवक्ता मोहन श्रेष्ठले जानकारी दिए ।
तर ओलीले राप्रपाले आफ्ना गतिविधिलाई निरन्तरता दिन सुझाव दिएको श्रेष्ठले बताए । ज्ञापनपत्र बुझाउनु अघि प्रधामन्त्री ओली र अध्यक्ष थापाबीच प्रधानमन्त्री निवास बालुवाटारमा करिव आधा घण्टा अलगअलग छलफल भएको थियो ।
