प्रणय दिवसका दिन युवा वर्गलाई लक्षित गर्दै सिटी सेन्टरमा विशेष कार्यक्रम
काठमाडौं : काठमाडौंको कमलपोखरीमा रहेको व्यवसायीक भवन सिटी सेन्टरले प्रणय दिवस २०१९ लाई लक्षित गरी विशेष कार्यक्रमको घोषणा गरेको छ । युवा वर्गलाई लक्षित गरी उक्त कार्यक्रम तयार गरिएको बताइएको छ ।
१३ फेव्रुअरीमा डान्स कम्पिटिसन गरिने सिटी सेन्टरले जनाएको छ । जसको विजेताले १५ हजार पुरस्कार प्राप्त गर्न सक्नेछन् । त्यसै गरी, १ फेव्रुअरीदेखि १४ फेव्रुअरीसम्ममा किनमेल गर्ने ग्राहकमध्ये लक्की ड्र मार्फत छनोट भएका एक जनालाई पोखराको प्रिमियम होटलमा २ रात ३ दिनको प्याकेजको व्यवस्था हुनेछ ।
यस अवधिमा किनमेल गर्ने ग्राहकहरुलाई विशेष छुटको व्यवस्था पनि रहेको जानकारी व्यवस्थापन पक्षले दिएको छ । कार्यक्रममा विभिन्न प्रकारका मनोरञ्जनात्क गेमहरुको साथै लाइभ म्युजिक पनि हुनेछ ।
