नेपाली महिला क्रिकेट टाेलीकाे लगातार दाेस्राे जित
पुष २९ : थाइल्याण्ड वुमेन्स टि-२० स्म्यास प्रतियाेगिता अन्तर्गत नेपाली महिला क्रिकेट टोलिले लगातार दोश्रो जीत हासिल गरेकाे छ । आज भएकाे खेलमा नेपालले मलेसियालाई ६ विकेट पराजित गरेकाे हाे ।
टस जितेर ब्याटिङ गरेकाे मलेसियाले पहिलाे पारीमा मात्र ६१ रन बनाउन सक्याे । मलेसियालाई कम स्काेरमा समेट्ने क्रममा नेपालकाे लागि सरिता मगरले ३ ओभरमा ९ रन खर्चेर ४ विकेट लिईन भने कविता, इन्दु र नेरीले १-१ विकेट लिए ।
मलेसियाकाे लागि जिन यीले सार्वाधिक १२ रन तथा याकुवले ११ रन बनाइन् । बाँकि खेलाडिले दाेहाेराे अङ्क बनाउन सकेनन् ।
६२ रनकाे लक्ष्य लिएर मैदानमा उत्रेकाे नेपाली महिला टाेलीले ४ विकेटकाे क्षतिमा उक्त लक्ष्य पुरा गर्याे । नेपालका लागि राेमा थापाले सार्वाधिक २० रन बनाइन भने सिता राना मगरले १६ रन बनाइन ।
पहिलाे खेलमा नेपालले चिनलाई पराजित गरेकाे थियाे । प्रतियाेगिता अन्तर्गतकाे तेस्राे खेल नेपालले साेमबार युएईसँग खेल्ने छ ।
