प्रहरीमा २ सेनामा ३ वर्ष जागिर खाएका व्यक्ति चाइनिज पेस्तोल सहित पक्राउ
काठमाडौं : शनिबार बेलुकी काठमाडौंको जडिबुडिबाट प्रहरीले एक थान चाइनिज पेस्तोल र खुकुरीसहित तीन जनालाई पक्राउ गरेको छ ।
जडिबुडिस्थित गणेशमाया श्रेष्ठको घरमा अपरिचित व्यक्तिहरु हात हतियार सहित लुपाट गर्ने उदेश्यले प्रवेश गरेको भन्ने विषेश सूचनाको आधारमा महानगरीय प्रहरी प्रभाग कोटेश्वरको टोलीले उनीहरुलाई पक्राउ गरेको हो ।
पक्राउ पर्नेमा धादिङ्ग गल्छि घर भई कंलकी वस्ने वर्ष ३३ को अर्जुन प्रसाद अधिकारी, धादिङ्ग गल्छिकै वर्ष २५ को केदारप्रसाद अधिकारी र काभ्रे भुम्जु गाउँपालिका ८ घर भई चावहिल वस्ने वर्ष ३० को अन्जन उप्रेती रहेका छन् ।
यसमध्ये केदार प्रसाद अधिकारी नेपाल प्रहरीमा दुई वर्षसम्म जागिर खाई छाडेको र फेरि नेपाली सेनामासमेत तीन वर्ष जागिर खाएर छाडेको खुलेको महानगरीय प्रहरी परिसर काठमाडौंका प्रवक्ता प्रहरी नायव उपरीक्षक होबिन्द्र बोगटीले जानकारी दिए।
