प्रस्तावित प्रधानन्यायाधीश राणाको सुनुवाई आज, चित्त बुझ्दो जावफ दिए आजै नाम अनुमोदन गरिने
काठमाडौं : केही साता अघि प्रधानन्यायाधीशका लागि सिफारिस गरेको चोलेन्द्र शमशेर राणाको आज संसदीय सुनुवाई हुँदैछ । सुनुवाईमा राणाले आफूमाथि परेका उजुरीको चित्त बुझ्दो जावफ दिए आजै राणाको नाम अनुमोदन गर्ने समितिको तयारी छ ।
राणामाथि नौ वटा उजुरी परेका छन् । उजुरीकर्ताहरुसँग समितिले शुक्रबार छलफल गरिसकेको छ । दिउँसो २ बजे बस्ने संसदीय सुनुवाई समितिको बैठकमा सुनुवाईका लागि राणालाई समितिले बोलाइएको हो ।
सुनुवाईका क्रममा राणाविरुद्ध परेका उजुरी र उनका भावी कार्ययोजनाका विषयमा छलफल हुने संसदीय सुननुवाई समितिका सभापति लक्ष्मण लाल कर्णले जानकारी दिए ।
