नेता संजय श्रेष्ठ नेपाली काँग्रेसको उपसभापतिमा मनोनित
इनरुवा : नेपाली काङ्ग्रेसको सुनसरी उपसभापतिमा इनरुवाका सञ्जय श्रेष्ठ मनोनित भएका छन् । लामो समयदेखि रिक्त रहेको उपसभापति पदमा श्रेष्ठलाई मनोनित गरेको नेपाली काङ्ग्रेस सुनसरीले जनाएको छ ।
जिल्ला पार्टी कार्यालय इनरुवामा बसेको कार्यसमितिको बैठकले श्रेष्ठलाई नेपाली काग्रेस सुनसरीको उपसभापतिको पदमा मनोनित गरेको काङ्ग्रेस जिल्ला पार्टी सभापति तथा प्रदेश नम्बर १ का प्रमुख प्रतिपक्षी दलका नेता राजिब कोइरालाले बताएका छन् ।
कोइरालाका अनुसार नेपाली काँग्रेसको विधान अनुसार रिक्त रहेको उपसभापतिको पदमा पार्टीका तर्फबाट महाधिवेशन प्रतिनिधि समेत रहेका श्रेष्ठलाई मनोनित गरिएको हो ।
नेपाली काँग्रेसको भातृ संगठन तरुण दल सुनसरीको संस्थापक सचिव समेत रहेका युवा नेता संजय श्रेष्ठ पार्टी सभापति शेरबहादुर देउवा निकट मानिन्छन ।
