राजनीतिक क्रान्ती धेरै ग¥यौं, अब आर्थिक क्रान्ती गरौं : प्रधानमन्त्री
काठमाडौं : प्रधानमन्त्री केपी शर्मा ओलीले मुलुक विकास र समृद्धिका लागि अघि बढेको बताउनुभएको छ । सरकारी वकिलहरुको दोस्रो राष्ट्रिय सम्मेलनलाई सम्बोधन गर्दै प्रधानमन्त्रीले उक्त कुरा बताउनुभएको हो ।
प्रधानमन्त्रीले कानुनी शासन र समाजिक न्याय सहितको लोकतन्त्रलाई मजवुद बनाएर समृद्ध नेपाल, सुखी नेपालीको लक्ष्य हासिल गरिने बताउनुभएको छ ।
“सामाजिक सद्ध्भाव र समानताको बाटोबाट संघीय लोकतान्त्रिक गणतन्त्रलाई बलियो बनाएर देशमा आर्थिक क्रान्ती हुन्छ” प्रधानमन्त्रीले भन्नुभयो “हामीले लामो समय राजनीतिक क्रान्ती ग¥यौं ।
अब आर्थिक क्रान्ती गरेर देशलाई समृद्धिको बाटोमा हिडाउनु पर्दछ ।” कतिपय संघ संस्थामा राजनीति घुसेर त्यसलाई प्रदुषित पारेको प्रधानमन्त्रीको भनाइ छ ।
“केही केही संस्थामा राजनीति घुसेर तिनलाई प्रदुषित बनाएका छन्” प्रधानमन्त्रीले भन्नुभयो “कहिले बैचारिक प्रभाव, कहिले द्रव्यलाभ वा कतै तिरको संलग्नताले यस्तो हुन्छ । यस्ता प्रदुषकलाई निस्तेज बनाएर संस्थाहरुलाई व्यावसायिक बनाउनु पर्दछ ।”
