बलिउड अभिनेत्री जरीन खानको कार दुर्घटना, १ जनाको मृत्यु
काठमाडौं : बलिउड अभिनेत्री जरीन खान कार दुर्घटनामा परेकी छिन् । भारतको गोवामा तीव्र गतिमा गुडिरहेको जरीन खानको कारमा पछाडीबाट मोटरसाइकल ठोक्किँदा दुर्घटना भएको हो । दुर्घटनामा परी जरीन खानलाई पनि सामान्य चोट लागेको छ ।
दुर्घटनापछि जरीन र उनको टिमले घाइते मोटर साइकल चालकलाई अस्पताल पुर्याए पनि डाक्टरहरुले उनको ज्यान बचाउन सकेनन् । खबरहरुका अनुसार ती मोटरसाइकल यात्रीले हेलमेट लगाएका थिएनन् । त्यसै कारण उनको टाउकोमा गहिरो चोट लागेकाले ज्यान गएको हो ।
यो घटना डिसेम्बर १२ बुधबार साँझ ६ बजे घटेको हो । अभिनेत्री जरीन खानले अभिनेता सलमान खानसँग बलिउड फिल्म ‘वीर’ मार्फत डेब्यु गरेकी थिइन् ।
जरीनको पहिलो फिल्म नै फ्लप भएको थियो भने त्यस पछि पनि उनले बलिउडमा चर्चा कमाउन सकेकी छैनन् ।
