‘क्याप्टेन’ को गीत ‘रहर छ सँगै’ पहिलो नम्बरमा
काठमाडौं : अनमोल केशीको चलचित्र ‘क्याप्टेन’ को ‘गीत रहर छ सँगै’ युट्युबको ट्रेन्डिङ्गको पहिलो नम्बरमा आएको छ ।
अन्जु पन्त र सुगम पोख्रेलको स्वर रहेको गीतमा अनमोल र नायिका उपासना हिंस ठकुरीले अभियन गरेका छन् । यो गीत बिहीबार सार्वजनिक भएको हो । यो गीत अहिलेसम्म झण्डै तीन लाखपटक हेरिएको छ ।
आउँदो फागुन १७ गतेदेखि प्रदर्शनमा आउने चलचित्र दिवाकर भट्टराईको निर्देशनमा बनेको हो । ठूलो बजेटको यो चलचित्रमा फुटबल खेलाडीको कथा समेटिएको छ ।
