हिन्दु रितिरिवाज अनुसार विवाह गरेका कपिल शर्माले फेरि अर्को परम्परामा विावह गर्दै (भिडियो)
कमेडियन कपिल शर्माले प्रेमिका गिन्नी चतरथसँग विवाह गरेका छन् । लामो समयदेखि पर्दाभन्दा बाहिर रहेका कपिल शर्मा आफ्नो विवाहका कारण फेरि एकपटक चर्चामा आएका छन् । गिन्नी चतरथ काे खास नाम भवनीत चतरथ हो तर उनलाई गिन्नी भनेर चिनिन्छ । जालन्धरको सिख परिवारकी गिन्नी र कपिल शर्माको पहिलो भेट २००५ मा भएको थियो । त्यती बेला कपिल २४ र गिन्नी १९ वर्षकी थिइन् ।
हिजो अर्थात डिसेम्बर १२ मा उनले विवाह गरेका हुन् । उनी पहिलो सेलीब्रेटी पनि सावित भए जो आफ्नो विवाहको प्रत्येक कार्यक्रमहरु एकसाथ लाइभ गरे । उनलेे आफ्नो युटुब च्यानलबाट विवाहको लाईभ गरे भने आफ्नो इन्स्ट्राग्राममा सबै फोटोहरु पनि सेयर गरेका छन् ।लामो समयदेखीको आफ्नी प्रेकिका गिन्नी चतरथका साथ भारतको पञ्जाबमा लगनगाँठो कसेका हुन् । गिन्नी उनका प्रोग्राम प्रोड्युसर समेत हुन् । कपिल शर्मा शोको सबै स्कृप्ट र कन्सेप्ट गिन्नीकै हुने गरेको थियो ।
विवाहका लागि कपिल शर्माका साथीहरु तथा हास्यकलाकार कृष्णा अभिषेक, सुमोना चक्रवर्ती, राजीव ठाकुर र गायिका ऋचा शर्मालगायत ‘द कपिल शर्मा शो’का सम्पूर्ण सदस्य पञ्जाब पुगेका छन । यसअघि दीपिका पादुकोण र रणवीर सिंह तथा प्रियंका चोपडा र निक जोनसकै शैलीमा कपिल र गिन्नीले पनि २ वटा परम्परा अनुसार विवाह गरेका हुन् । उनिहरुले शिख र हिन्दु परम्परा अनुसार बिवाहा गरेका हुन् ।
बुधबार हिन्दू परम्पराअनुसार विवाह गरेका छन् भने त्यसपछि शिख परम्परामा विवाह गरेका छन् । बुधबारको विवाह गिन्नीको घर जालन्धरमा भएको छ । यसपश्चात आज कपिलको घर अमृतसरमा विवाह हुनेछ । कपिल शर्माले आफ्नो घर अमृतसरमा डिसेम्बर १४ मा रिसेप्सन पार्टीको आयोजना गर्नेछन् । यस रिसेप्सनमा कपिलका आफन्तजन र नजिकका साथीहरु सहभागी हुनेछन । यस्तै डिसेम्बर २४ मा मुम्बईमा कपिलले भव्य रिसेप्शन राख्नेछन, जहाँ बलिउड स्टारहरु पनि सहभागी हुनेछन् ।
यस्तो थियो कपिल र गिन्नीको पहिलो भेट
एक पत्रिकामा दिएको अन्तर्वार्तामा कपिलले भनेका थिए कि उनी खर्च जुटाउन थिएटरको निर्देशन गर्थे । यसका लागि उनी अलग-अलग कलेज गएर अडिशन लिने गर्थे । यही अडिशनका क्रममा कपिल शर्माको भेट गिन्नीसँग भएको थियो । गिन्नीको कामबाट आफू प्रभावित भएको कपिलले बताएका थिए ।
त्यो बेला गिन्नी रिहर्सलका क्रममा कपिलका लागि घरबाट खाना ल्याएर आउने गर्थिन् । अभिनेत्री बन्ने सपना देखेकी गिन्नी चतरथले २००९ मा स्टारवनको स्टैण्ड अप कमेडी कार्यक्रमका क्रममा ‘हँस बलिए’ मा भाग लिएकी थिइन् जसको हिस्सा कपिल शर्मा पनि थिए ।
उक्त शो पछि गिन्नीलाई पन्जाबी फिल्म र टेलिभिजनमा अफर आयो तर उनले अभिनयभन्दा टाढा रहने फैसला गरिन् ।
फाइनान्समा एमबीए गरेकी गिन्नीले बुवाको व्यवसायलाई अगाडि बढाउने निर्णय गरिन् ।
हेर्नुस् भिडियो :
