जन्तीको रुपमा आइरहेका मुख्यमन्त्री योगीको स्वागतमा नेपाली सेनाले हेलिकप्टर मार्फत पुष्पवृष्टी गर्ने
प्रत्येक वर्षझै यस वर्षपनि जनकपुरमा विवाहपञ्चमीको महोत्सव धुमधाँमले गरिने भएको छ । आगामी २६ गते हुन गइरहेको विवाहपञ्चमी महोत्सवमा यसपटक भारत, उत्तर प्रदेशका मुख्यमन्त्री योगी आदित्यनाथ जन्तीको रुपमा नेपाल आउँदैछन् । नेपाली सनाले मुख्यमन्त्री योगीको स्वागतार्थ पुष्पवृष्टी गर्ने भएको छ ।
संघीय सरकारले योगी आदित्यनाथ जन्ती बनेर आउन लागेको कुरा प्रदेश सरकारलाई यसअघि नै अैपचारीक जानकारी समेत गराइसकेको छ । जनकपुरमा जन्ती बनेर आउन लागेका मुख्यमन्त्री आदित्यनाथलाई सेनाले हेलिकप्टरबाट पुष्पवृष्टी गरेर स्वागत गर्ने तयारी थालेको हे ।
काठमाडौंबाट नेपाली सेनाले हेलिकप्टर ल्याएर पुष्पवृष्टि गरिने धनुषा क्षिरेश्वरनाथ नगरपालिकाको महेन्द्रनगरस्थित गोरखनाथ गणका प्रमुख सेनानी भोला पाण्डेले बताए । उनले भने, ‘हेलिकप्टर हाम्रै नेपाली सेनाको हुनेछ भने फूल जानकी मन्दिरले प्रदान गर्नेछ ।’
उनका अनुसार नेपाली सेनाको १५ सदस्यीय एउटा ब्याण्ड टोली समेत काठमाडौंबाट जनकपुरधाम आउँदैछ । २६ गते भगवान् राम र सीताको डोलीले नगर परिक्रमा गर्दा ब्याण्ड टोलीले सांस्कृतिक प्रदर्शन गरिनेछ ।
