आशिर्वाद थाप्न प्रधानमन्त्री ओली पनि ह्यातमा, सोल्टीको बसाई छाडेर आजै बालुवाटार फर्किने
काठमाडौं : प्रधानमन्त्री केपी शर्मा ओली आज समापन हुने ‘एशिया प्यासिफिक समिट–२०१८’ मा सहभागी हुन ह्यात रिजेन्सी होटल पुगिसकेका छन् । होटेल सोल्टीबाट उनी त्यहाँ पुगेका हुन् ।
काठमाडौंमा जारी एसिया प्यासेफिक समिटमा युनिभर्सल पिस फेडेरेसनकी अध्यक्ष हाक जा हान मुनबाट आशिर्वाद थाप्न देशैभरिका स्थानीय तहका प्रमुखलाई निम्तो पठाइएको छ । उनीहरूलाई दम्पत्तिसहित आउन भनिएको छ ।
आज साँझ नेकपाकै अध्यक्ष पुष्पकमल दाहाल प्रचण्डपनि सहभागी हुने भनिएको थियो । तर, प्रचण्ड आज हुने समापन कार्यक्रममा सहभागी नहुने उनको सचिवालयले जनाएको छ ।
