सहजादकाे विस्फोटक ब्याटिङमा राजपुत्सको सहज जित
अफगानिस्तान क्रिकेट टिमका विकेटकिपर ब्याट्सम्यान समेत रहेका मोहम्मद सहजादले अचम्मित पार्ने इनिंग खेलेपछि टि -१० लिगको पहिलो खेलमा राजपुत्सले सिन्धिजलाई १० विकेटले पराजित गरेको छ।
युएई सारजाह मैदानमा भएको खेलमा टस हारेर ब्याटिंगमा उत्रेको सिन्धिजले निर्धारित १० ओभरमा ६ विकेट गुमाएर ९४ रन मात्र बनाउन सक्यो। सिन्धिजको लागि कप्तान शेन वाटसनले २० बलमा ४ चौका र ३ छक्कको मद्दतले ४२ रन बनाए। सिन्धिजका अन्य ब्याट्सम्यानले भने दोहोरो अंकमा रन बनाउन सकेनन्।राज्पुत्सिको लागि भारतीय पुर्व क्रिकेटर समेत रहेका मुनाफ पटेलले सर्वाधिक ३, कार्लोस ब्रेथ्वेटले २ तथा सयद शिर्जादले १ विकेट हात पारे।
दाेस्राे इनिंगमा ९५ रनको लक्ष्य लिएर मैदानमा उत्रेको राजपुत्सले मात्र ४ ओभरमै लक्ष्य पुरा गर्यो। विस्फोटक इनिंग खेलेका सहजादले मात्र १६ बलमा ८ वटा छक्का र ६ वटा चौका प्रहार गर्दै अविजित ७४ रन तथा कप्तान म्याकुलमले ८ बलमा १ चौका र २ छक्काको मद्दतले अविजित २१ रन बनाए। सहजादनै खेलको प्लेयर अफ द म्याच घाेशित भए।
