भारतीय प्रधानमन्त्री नरेन्द्र मोदी फेरि नेपाल आउँदै
काठमाडौं : भारतीय प्रधानमन्त्री नरेन्द्र मोदी फेरि नेपाल आउने भएका छन् । उनी मंसिर २६ गते नेपाल आउन लागेको उच्च स्रोतले बतायो । विवाह पञ्चमीको अवसर पारेर जनकपुर आउन लागेका मोदीको यो प्रधानमन्त्री भएपछिको पाँचौ नेपाल भ्रमण हो ।
उनी यसपटक धार्मिकसँगै रेलमार्ग र विराटनगरको एकीकृत जाँच विन्दु (आइसिपी) को उद्घाटन गर्न नेपाल आउन लागेका हुन् ।
दुबै परियोजनाको प्रधानमन्त्री केपी शर्मा ओली र मोदीले संयुक्त रुपमा उद्घाटन गर्ने कार्यक्रम तय भएको छ ।
