साफ यू-१५ च्याम्पियनसिपमा नेपालको शानदार सुरुवात, मालदिभ्स ४-० गोलले पराजित
काठमाडौँ : राजधानीमा बिहीबारदेखि सुरु दक्षिण एसियाली फुटबल महासंघ- साफ यू-१५ च्याम्पियनसिपमा घरेलु टोली नेपालले विजयी सुरुवात गरेको छ। समूहको आफ्नो पहिलो खेलमा नेपालले मालदिभ्सलाई ४-० गोलले हरायो।
नेपालका जान लिम्बु, दीपेश राई र नमस थापामगरले एक एक गोल गरे। समूह एमा नेपाल र मालदिभ्सबाहेक बंगलादेश पनि छ। नेपालले बंगलादेशसँग सोमबार खेल्ने छ।
समूहको शीर्ष दुई टोली सेमिफाइनल पुग्नेछन्। समूह बीमा भारत,भुटान र पाकिस्तान छन्। बिहीबार भएको पहिलो खेलमा पाकिस्तानले भारतलाई २-१ गोलले हराएको छ।
