झक्कड थापाको नयाँ गीत ‘भेरी,सेती कर्णालीका पानी’सार्वजनिक (भिडियो)
काठमाडौं : नेपाल आइडलको पहिलो सिजनमा भाग लिएर सफल हुन नसकेपनि दर्शकको मन जित्न सफल झक्कड थापाको स्वरमा नयाँ गीत सार्वजनिक भएको छ । बसन्त सापकोटाको संगीतमा सार्वजनिक भएको गीत ‘भेरी,सेती कर्णालीका पानी’ नेपालको पश्चिमी क्षेत्रमा गाइने लोकप्रिय ‘देउडा’ भाका रहेको छ ।
खासगरी कर्णाली, सेती, महाकाली र भेरी अञ्चलका विभिन्न जिल्लामा गाइने गीतको नयाँशैलिमा झक्कडले प्रस्तुत गरेका छन् । गीतगायन प्रतियोगिता नेपाल आइडलको पहिलो सिजनमा भाग लिएका उनले त्यसमा अगाडी बढ्न त सकेनन्, तर सामजिक संजालमा भने प्रख्यात भए। उनले पछिल्लो समय काठमाडौँ आएर नयाँ गीत, तथा हाँस्य टेलिश्रृङखलाहरुमा देखिन थालेका छन् ।
