मन्दिरबाट फर्किँदै गरेको बस दुर्घटना : चालकसहित ५३ जनाको मृत्यु
भारतको तलंगनामा बस दुर्घटना हुँदा कम्तिमा ५३ जनाको मृत्यु भएको छ । अन्य केही घाइते भएका छन् । कोंडागट्टुको एक मन्दिरबाट जगित्याल तर्फ फर्किँदै गरेको बस दुर्घटनामा परेको हो । बसमा ८६ जना सवार थिए ।
दुर्घटनामा चालक श्रीनिवाससहित ५३ जनाको मृत्यु भएको सडक सुरक्षा प्राधिकरणका कृष्णा प्रसादले बताएका छन् । राष्ट्रपति रामनाथ कोविन्द र प्रधानमन्त्री नरेन्द्र मोदीले घटनामा दुःख व्यक्त गरेका छन् ।
मुख्यमन्त्री चन्द्रशेखर रावले मृतकका परिवारलाई पाँच–पाँच लाख रुपैयाँ राहत दिने घोषणा गरेका छन् । बीबीसीका अनुसार दुर्घटनाग्रस्त बस अक्टुबर २००७ मा किनिएको थियो र यो करिब १४ लाख ५० हजार किलोमिटर गुडिसकेको थियो ।
यो दुर्घटनापछि परिवहन निगमका १४ लाख किलोमिटर भन्दा बढी चलिसकेका गाडीलाई चलाउन बन्देज गर्न निर्देशन दिइएको छ ।
