भारतीय पूर्वप्रधानमन्त्री देवेगौंडाले दिए प्रधानमन्त्री ओलीलाई बधाई
काठमाडौं : भारतीय पूर्वप्रधानमन्त्री एच.डी.देवेगौंडाले नेपालले विमस्टेक सम्मेलन सफलतापूर्वक सम्पन्न गरेकोमा प्रधानमन्त्री ओलीलाई बधाइ तथा धन्यवाद दिएका छन् । शुक्रबार प्रधानमन्त्री ओलीसँग भएको शिष्टाचार भेटवार्ताका क्रममा देवगौडाले बधाई तथा धन्यवाद दिएका हुन् ।
देवेगौडाले प्रधानमन्त्री ओलीको भारत भ्रमणको स्मरण गर्दै यसले नेपाल-भारत सम्बन्धमा नयाँ उचाइमा पुर्याएको समेत बताए । भेटका क्रममा प्रधानमन्त्री ओलीले नेपाल र भारतका प्रधानमन्त्रीको भ्रमणले दुई पक्षीय हित र सम्बन्धलाई अझ गाढा बनाएको बताए ।
प्रधानमन्त्री ओलीले भने-‘दुई देशका प्रधानमन्त्रीको भ्रमणबाट खासगरी तीनवटा कुरामा उपलब्धी भएको छ । जलमार्ग,रेलमार्ग र र कृषिका क्षेत्रमा उल्लेख्य उपलब्धी भएको छ ।’
