भारत भ्रमणमा प्रचण्ड : गृहमन्त्री राजनाथ सिंहसँग भेटवार्ता
तीन दिने भारत भ्रमणमा रहेको नेपाल कम्युनिष्ट पार्टी (नेकपा) का अध्यक्ष एवं पूर्व प्रधानमन्त्री पुष्पकमल दाहालले शुक्रबार भारत सरकारका गृहमन्त्री राजनाथ सिंहबीच भेटवार्ता भएको छ ।
भेटमा नेपाल-भारत सम्बन्ध र नेपालको आर्थीक समृद्धिका विषयमा छलफल भएको दाहालको सचिवालयले जनाएको छ । भेटमा अध्यक्ष दाहालले नेपाल र भारतबीच भएका समझदारीको प्रभावकारी कार्यान्वयनमा जोड दिएका थिए ।
भेटमा अध्यक्ष दाहालले सीमा क्षेत्रमा नेपालीमाथि हुने गरेका लुटपाटका घटनाका सम्बन्धमा गृहमन्त्रीको ध्यानाकर्षण गराएका थिए ।गृहमन्त्री सिंहले सीमा क्षेत्रका सबै अधिकारीहरुलाई तत्कालै खबर गरी घटना घट्न नदिने विश्वास दिलाएका थिए ।
